由於平時工作繁忙，所以平時係weekend我多數只係同Jeremiah返觀塘or 出大埔中心行下，好少遠行。但係，一到左長假就唔同la !! 如果遇o岩肥仔放假，我會同Jeremiah去遠d o既地方。 今日我地就去左係西寶城o既Playtown 玩。

昨日同雞蛋媽傾開，原來兩個爸爸都係今日放假，於是擇日就不如撞日，兩個媽媽就安排左一個好節目俾BB 同爸爸la......去Playtown 玩。

Playtown係西寶城，西寶城係西環，真係不得了......咁遠!! 我地要去到上環再轉車，足足個半鐘先去到。遠就真係遠左d，但勝在價錢方面一d都唔貴。一個小朋友$80，送一個大人，額外再多一個大人就$30。最重要係可以全日多次出入，重可以帶外面d食物入黎食，good!!

個度其實都幾大，幾多野玩，好o岩小朋友。個度最好係小朋友可以"琴"高"琴"低都唔怕，而且最緊要係有冷氣ma!! o岩晒天氣熱or 打風落雨時去玩!!

雖然今日我地只係玩左兩個幾鐘，不過大人細路都好攰。去到個度，兩個BB 已經勁開心，跟住就玩玩玩，起勢咁玩......越玩就越精神 (大人就攰到爆 )，到走個時，重要係極唔願意。

出左Playtown搵野食期間，Jeremiah飲飲下水都瞓著左，我諗佢超眼瞓。

總括一句，雖然遠左d，但係真係幾好玩。睇下下次可唔可以說服肥仔揸車，咁我地就無咁辛苦啦!!

等車中

Playtown

很攰!!

大人都一齊玩