我都知自己大頭蝦ga la......

話說今日見天氣唔太熱，肥仔又放假，咁我又好耐無出過境 (對上個次係去年8月去大6 )，於是我地加埋奶奶就諗住上轉大6 食下，行下同消費下。一行3人本來都開開心心係香港過關，點知......當我張回鄉卡放上中國入境部機就出事la!!

大大只字 "此卡已過期 " ...唔係ma?? 唔信邪，再黎.....當然就唔會有奇蹟la!!

好在個時肥仔未過，於是我地兩個咪面懞懞咁上返去橋頭，同中國個邊d公安講。搞完手續後，佢指示我地行反方向返hk境。見到d 人全部去大6 ，我地兩個就行反方向，感覺怪怪的。

返到hk境，走去搵海關幫手。海關check 完我地d 袋後，就帶我地去人民入境間房。到間房後，立即交出ID card 俾人check 資料，然後等叫名，同一班為數5、6個同樣過唔到關o既人一齊俾個staff 帶到一個counter，然後入境。至於我奶奶因為已經入左中國境，所以要返上樓上再做出境同入境手續。

如是者，我地就係咁遊車河同到邊境行左個圈就返左黎la!!

真係激死!!我預左俾人笑ga la.....鬼叫我咁低能咩!!

PS 今年總算出過境la!!